Për ne

Historiku i shoqatës

Nga tre themelues, te zëri i një sektori të tërë

Shoqata e Verëtarëve të Kosovës “Enologjia” është shoqatë e formatit kombëtar, e themeluar në tetor të vitit 2008.

Shoqatën e kanë themeluar pronarët e tri kompanive për përpunimin e rrushit dhe prodhimin e verërave, me kapacitetet më të mëdha në Kosovë: “Stone Castle”, “Bodrumi i Vjetër” dhe “Bio Pak”, që të gjitha nga Rahoveci.

Selia e shoqatës është në Shtëpinë e Verërave, në rajonin vreshtar e verëtar të qytetit të Rahovecit.

37mil. litra
Kapacitetet përpunuese dhe depozituese të verërave në Kosovë
2008
Viti i themelimit të shoqatës, në muajin tetor
Shtëpia e Verërave në Rahovec, selia e shoqatës
Rrush i kuq në vreshtat e Rahovecit

Pse ekzistojmë

Misioni dhe vizioni

Verë e kuqe duke u derdhur në gotë
I.

Misioni i shoqatës

  • Avokimi, lobimi dhe mbrojtja e interesave të prodhuesve të verërave në raport me institucionet lokale dhe qendrore.
  • Pjesëmarrja në grupet punuese dhe komisionet për hartimin e politikave zhvillimore të sektorit të verëtarisë.
  • Analiza dhe konkluzionet mbi trendet e zhvillimit të tregut të brendshëm dhe të jashtëm.
  • Respektimi i ligjit të verërave dhe i dispozitave të tij.
  • Luftimi i informalitetit në prodhimin dhe shitjen e paautorizuar të verërave dhe rakisë.
II.

Vizioni

Përmes rritjes së cilësisë së verërave dhe ngritjes së kulturës së konsumit të verës në Kosovë, t’ua rikthejë verërave tona emrin dhe imazhin që kishin dikur; gjetja e tregjeve të reja, rritja e eksportit si dhe zvogëlimi i importit të verërave në Kosovë.

Çfarë bëjmë

Aktivitetet e shoqatës

Puna jonë e përditshme, nga panairet e verës deri te politikat e sektorit.

Të rejat nga shoqata
  1. Marketingu dhe promovimi i verërave në tregun e brendshëm dhe të jashtëm.
  2. Pjesëmarrja në panairet kombëtare, rajonale dhe ndërkombëtare.
  3. Hartimi i projekteve dhe zbatimi i tyre në sektorin e verëtarisë.
  4. Trajnimet dhe ngritja e kapaciteteve profesionale.
  5. Promovimi i turizmit të verërave.
  6. Organizimi i forumeve, konferencave dhe simpoziumeve.

Themeluesit

Tri verari nga Rahoveci, një fillim i përbashkët.

Na vizitoni

Selia jonë është në Shtëpinë e Verës, në zemër të vreshtave të Rahovecit.

Wine House, Bërnjakë, p.n.
21000 Rahovec, Kosovë
+383 49 165 777
enologjia@gmail.com
Na kontaktoni